Փաշինյան. Երևանը պատրաստ է ապաշրջափակել տրանսպորտային հաղորդակցությունները՝ ելնելով երկրի իրավասությունից
Հայաստանը պատրաստ է սկսել ապաշրջափակել բոլոր տրանսպորտային և տնտեսական կապերն ու հաղորդակցությունները տարածաշրջանում՝ ելնելով երկրի ինքնիշխանությունից և իրավասությունից։
ТАСС-ի փոխանցմամբ՝ այս մասին հայտարարել է ՀՀ վարչապետ Նիկոլ Փաշինյանը Եվրասիական բարձրագույն տնտեսական խորհրդի ընդլայնված կազմով նիստում:
«Ուզում եմ հաստատել Հայաստանի պատրաստակամությունը՝ ապաշրջափակելու բոլոր տրանսպորտային և տնտեսական կապերն ու հաղորդակցությունները տարածաշրջանում, որոնք անցնում են Հայաստանի Հանրապետության տարածքով։ Մենք պատրաստ ենք տարածաշրջանային հաղորդակցությունների բացմանը այն երկրների ինքնիշխանության և իրավասությունների շրջանակներում, որոնցով նրանք անցնում են»,- ասել է նա՝ մեկնաբանելով Ադրբեջանի նախագահ Իլհամ Ալիևի խոսքերը Հայաստանի տարածքով միջանցքի մասին, որը, ըստ Բաքվի պլանների՝ պետք է Ադրբեջանի հիմնական մասը կապի Նախչըվանի հետ: