Ադրբեջանի նախագահ. Մենք ցանկացած պահի կարող ենք ցանկացած գործողություն իրականացնել մեր հողի վրա

Տարեգրություն  13 Օգոստոսի 2022 - 09:48

Մենք ցանկացած պահի կարող ենք ցանկացած գործողություն իրականացնել մեր հողի վրա։ Միայն այն փաստը, որ «Հատուցում» գործողությունը» շատ արդյունավետ էր, բայց կարճատև, ցույց է տալիս, որ մեր ուժերը տեղում են, միևնույն ժամանակ մենք նոր պատերազմ չենք ուզում։ Որովհետև Ղարաբաղյան երկրորդ պատերազմը ցույց տվեց մեր ուժը և մենք ռազմական, իսկ հետո ռազմաքաղաքական ճանապարհով հասանք մեր ուզածին։ Մեր մյուս երազանքները նույնպես կիրականանան, երբ կգա դրա ժամանակը։

Ինչպես հաղորդում է Caliber.Az-ը՝ Ազերթաջին հղումով, այս մասին օգոստոսի 12-ին՝ Բասգալ ավանում ադրբեջանական հեռուստատեսությանը տված հարցազրույցում ասել է նախագահ Իլհամ Ալիևը։

Ընդգծելով, որ թե՛ մարտավարական, թե՛ ռազմավարական քայլերի որոշումը մեր օրակարգում իրականություն է, պետության ղեկավարն ասել է. «Վստահ եմ, որ Հայաստանին նույնպես հայտնի է, որ մենք գիտենք՝ երբ և ինչ անել, և անում ենք այն, ինչ ասում ենք։ Մենք Հայաստանին բազմիցս զգուշացրել ենք կրակի հետ չխաղալ, լավ պահել իրեն, ընդունել նոր իրողությունները և չդիմել ռազմական սադրանքների»։

Caliber.Az

Դիտումներ: 18