Թուրքիայի հատուկ ներկայացուցիչը ցավակցություն է հայտնել Երևանում տեղի ունեցած ողբերգության կապակցությամբ

Թուրքիայի հատուկ ներկայացուցիչ Սերդար Քըլըչը ցավակցություն է հայտնել Երևանի առևտրի կենտրոնում տեղի ունեցած պայթյունի կապակցությամբ։

Caliber.Az-ի փոխանցմամբ՝ այս մասին նա գրել է Twitter-ում։

«Խորապես ցնցված եմ Երևանի առևտրի կենտրոնում հզոր պայթյունի մասին լուրից։ Ցանկանում եմ անկեղծ ցավակցություն հայտնել զոհվածների ընտանիքներին և շուտափույթ ապաքինում մաղթել բոլոր նրանց, ովքեր տուժել են այս ողբերգության հետևանքով»,- գրել է Քըլըչը։

Օգոստոսի 14-ի ցերեկը Երևանի Սուրմալու առևտրի կենտրոնում ուժեղ պայթյուն է տեղի ունեցել, որին հաջորդել է հրդեհ։ Միջադեպի հետևանքով զոհվել է 6 քաղաքացի, ևս 16-ը համարվում է անհետ կորած։ Ընդհանուր առմամբ հոսպիտալացվել է 61 մարդ։

Միջադեպի պաշտոնական պատճառը դեռևս չի նշվում։ Ականատեսների վկայությամբ՝ պայթյունը տեղի է ունեցել հրավառության արտադրանքի խանութում։