Իլհամ Ալիև. Ադրբեջանի տրանսպորտային ենթակառուցվածքների պահանջարկն աճում է

Մենք շատ ջանասիրաբար աշխատել ենք, որպեսզի այն միջոցները, որոնք կուտակել ենք էներգառեսուրսների վաճառքի արդյունքում, այսինքն՝ նավթի ու գազի եկամուտները, ուղղվեն տրանսպորտային ենթակառուցվածքներին։ Այս աշխատանքը գրեթե ավարտված է: Սա կրկին ձեռք բերվեց այն կանխատեսումների հիման վրա, որոնք մենք ունեինք, և որոնք մեր ենթակառուցվածքն ամբողջությամբ ապահովում էր։

AZERTAC-ի փոխանցմամբ՝ այս մասին ԱՀ նախագահ Իլհամ Ալիևն ասել է՝ մարտի 13-ին Բեռլինում գերմանական առաջատար ընկերությունների ղեկավարների հետ հանդիպմանը։

Նշելով, որ ռուս-ուկրաինական պատերազմի արդյունքում Ադրբեջանի տրանսպորտային ենթակառուցվածքների նկատմամբ պահանջարկն աճում է, պետության ղեկավարն ընդգծել է. «Անցյալ տարի ապրանքների տարանցումն աճել է ավելի քան 75 տոկոսով։ Իսկ մեր առևտրային ծովային համեմատաբար նոր նավատորմում, որն ունի 15 միլիոն տոննա բեռնափոխադրման հզորություն, նույնիսկ դիտարկվել է նավերի խցանում: Այնպես որ, մենք շատ քրտնաջան աշխատում ենք: Մենք լրացուցիչ միջոցներ ենք հատկացնում մեր ծովային նավահանգիստների և երկաթուղային ենթակառուցվածքների թողունակությունը ընդլայնելու համար։ Մենք անում ենք այն ամենը, ինչ անհրաժեշտ է այս ուղղությամբ։ Եվ, իհարկե, հույս ունենք, որ գերմանական ընկերությունները կլինեն մեր գործընկերներն այս ոլորտում»։