Ալիևը՝ Անգոլայի նախագահին. Ադրբեջանը մեծ նշանակություն է տալիս աֆրիկյան երկրների հետ կապերի զարգացմանը

Անգոլայի նախագահ Ժոաո Լորենսոն մայիսի 8-ին զանգահարել է Ադրբեջանի նախագահ Իլհամ Ալիևին։

Ինչպես հաղորդում է Caliber.Az-ը, այս մասին տեղեկատվությունը զետեղված է ԱՀ ղեկավարի պաշտոնական կայքում:

Հեռախոսազրույցի ընթացքում պետությունների ղեկավարները մտքեր են փոխանակել Ադրբեջանի և Անգոլայի միջև երկկողմ հարաբերությունների զարգացման վերաբերյալ, մասնավորապես՝ առևտրային, տնտեսական և հումանիտար ոլորտներում։

Ժոաո Լորենսոն հայտնել է, որ Անգոլայի փոխնախագահ Էսպերանզա Կոստան, որը COP29-ին մասնակցելու համար այցելել էր Ադրբեջան, իր այցի ընթացքում քննարկել է երկկողմ հարաբերությունների զարգացումը։

Իլհամ Ալիևն ընդգծել է, որ Ադրբեջանը մեծ նշանակություն է տալիս աֆրիկյան երկրների, այդ թվում՝ Անգոլայի հետ հարաբերությունների զարգացմանը, և նշել մի շարք ոլորտներում համագործակցության ընդլայնման լայն հնարավորությունները։