Ալիև. մենք ընդլայնում ենք մեր տրանսպորտային հնարավորություններն ու ենթակառուցվածքները

Այսօր, իհարկե, մենք քննարկեցինք եռակողմ համագործակցության նախագծեր։ Դրանց մեջ, բնականաբար, առանձնահատուկ տեղ է զբաղեցնում Հյուսիս-Հարավ տրանսպորտային միջանցքը։

Ինչպես հաղորդում է AZERTAC-ը, այս մասին հայտարարել է Ադրբեջանի նախագահ Իլհամ Ալիևը Իրանի նախագահ Մասուդ Փեզեշկիանի հետ համատեղ մամուլի ասուլիսում։

Նշելով, որ այս նախագիծը մեծ օգուտ և շահույթ կբերի բոլոր մասնակից երկրներին, պետության ղեկավարն ընդգծել է, որ Ադրբեջանն իր տարածքում իրականացրել է այս տրանսպորտային միջանցքի գործունեության համար անհրաժեշտ բոլոր ենթակառուցվածքային նախագծերը. «Ներկայումս մենք պարզապես ընդլայնում ենք մեր տրանսպորտային հնարավորությունները և ենթակառուցվածքները՝ հաշվի առնելով բեռների աճող ծավալը»։