Ալիև. Մենք Նախչըվանը կանաչ էներգետիկ գոտու վերածելու ծրագիր ունենք

Մենք Նախչըվանը, Ղարաբաղի և Արևելյան Զանգեզուրի հետ միասին կանաչ էներգետիկ գոտու վերածելու ծրագիր ունենք։ Նախչըվանում հիդրոէլեկտրակայանի կառուցման մեծ ներուժ կա:

«Ազերթաջ»-ի փոխանցմամբ՝ այս մասին հայտարարել է Ադրբեջանի Հանրապետության նախագահ Իլհամ Ալիևը՝ մարտի 13-ին Բեռլինում գերմանական առաջատար ընկերությունների ղեկավարների հետ հանդիպմանը։

Տեղեկացնելով, որ վերջերս այնտեղ փորձաքննություն է անցկացվել, երկրի ղեկավարն ասել է. «Հնարավոր է շուտով զարգացումներ կունենանք 500 մեգավատ հզորությամբ արևային էլեկտրակայանի կառուցման հետ կապված։ Միաժամանակ ողջունելի է նաև Նախչըվանի ավանդական էլեկտրակայանը, քանի որ Նախչըվանը արտահանման մեծ ներուժ ունի։ Որովհետև սահմանակից է Թուրքիային և Իրանին, և երկու երկրներում էլ էլեկտրաէներգիայի պահանջարկն աճում է»։