«Հրապարակ».Առաջիկայում սպասվում են մի շարք բարձրաստիճան պաշտոնյաների կալանավորումներ

Հայաստանի Ազգային անվտանգության ծառայության տնօրեն Արմեն Աբազյանը նախօրեին խորհրդարանում՝ բյուջեի կատարման մասին հաշվետվության փակ քննարկման ժամանակ ուշագրավ հայտարարություններ է արել։

Caliber.Az-ի փոխանցմամբ, «Հրապարակ» թերթը գրում է, որ դռնփակ նիստի հիմնական թեման եղել է՝ թմրամիջոցների ապօրինի շրջանառությունը, որը դարձել է Հայաստանում անվտանգության սպառնալիք։

«ԱԱԾ տնօրենը խոստովանել է, որ մի քանի անգամ ավելացել է ոչ միայն թմրամիջոցների իրացման, այլեւ թմրամոլության վտանգավոր տարածումը անչափահասների շրջանում, սակայն վստահեցրել է, որ դրա դեմ պայքարելու ձևը գտել են և ակտիվ քայլեր են ձեռնարկում:

Այս համատեքստում Աբազյանն ասել է, որ առաջիկայում սպասվում է մի շարք պաշտոնյաների կալանավորումներ, ովքեր այս կամ այն կերպ ներգրավված են այդ բիզնեսում։

Նա անդրադարձել է նաև Հայաստան մաքսանենգ ճանապարհով ներկրվող թմրամիջոցներին և վճռականորեն հայտարարել, որ Միհրան Պողոսյանի նկատմամբ հայտարարվել է հետախուզում և նա անպայման կարտահանձնվի Հայաստան ու կկալանավորվի։ ԱԱԾ տնօրենի խոսքերից ներկաները հասկացան, որ չնայած Պողոսյանը մի քանի դիմում-տեսանյութ է հղել՝ նշելով, որ նպաստել է «Մրգենի» ԲԲԸ-ում թմրամիջոցների հայտնաբերմանը, այնուամենայնիվ, նա անմիջականորեն զբաղվում է թմրամիջոցների մաքսանենգությամբ»,–գրում է թերթը։