Մենք բարձր ենք գնահատում Իտալիայի աջակցությունը Ադրբեջանի և ԵՄ-ի միջև հարաբերությունների զարգացմանը Իլհամ Ալիևը՝ Իտալիայի նախագահին ուղղված նամակում

Ադրբեջանի նախագահ Իլհամ Ալիևը նամակ է հղել Իտալիայի նախագահ Սերջիո Մատարելային։

Caliber.Az-ի փոխանցմամբ՝ այս մասին տեղեկություն է տարածել ԱՀ ղեկավարի մամուլի ծառայությունը։

Նամակում ասվում է. «Ադրբեջանա-իտալական հարաբերությունների ներկայիս մակարդակը՝ հիմնված փոխադարձ վստահության և բարի ավանդույթների վրա, գոհացուցիչ է։ Մեր ամուր քաղաքական կապերը հիմք են հանդիսանում՝ առևտրատնտեսական, էներգետիկ, կրթական, մշակութային և այլ ոլորտներում համագործակցության և բազմակողմ ռազմավարական գործընկերության համար, որոնք օրեցօր ընդլայնվում են։ Սա իր հերթին ծառայում է մեր պետությունների ու ժողովուրդների շահերին՝ նրանց ավելի մոտեցնելով միմյանց։

Մենք հավանություն ենք տալիս իտալական ընկերությունների ակտիվ մասնակցությանը Ադրբեջանում, մասնավորապես, մեր ազատագրված տարածքներում իրականացվող վերակառուցման և վերականգնման աշխատանքներին։ Ձեր երկիրը ներկայացնող ընկերությունները Ղարաբաղում և Արևելյան Զանգեզուրում ամենաշատ աշխատանք կատարող ընկերություններից են, ինչը վկայում է մեր միջպետական հարաբերությունների մակարդակի մասին։

Մեր բարձր մակարդակի քաղաքական երկխոսությունը, բազմաթիվ փոխայցելությունները, ստորագրված փաստաթղթերը, ընթացիկ համատեղ նախագծերը կարևոր դեր են խաղում մեր համագործակցության նոր ոլորտների սահմանման գործում։ Մենք բարձր ենք գնահատում Իտալիայի մշտական աջակցությունը՝ Եվրամիության հետ Ադրբեջանի հարաբերությունների զարգացմանը գործում»։