Ադրբեջանը պահպանում է իր դիրքերը Եվրոպական խաղերի մեդալային հաշվարկում

Լեհաստանում ընթացող III Եվրոպական խաղերի մրցումային չորրորդ օրվա արդյունքներով ադրբեջանցի մարզիկները իրենց ակտիվում գրանցել են 5-րդ մեդալը։

Caliber.Az-ի փոխանցմամբ՝ մեդալներից երկուսը ոսկե են, մեկը՝ արծաթե, ևս երկուսը՝ բրոնզե։

Մեդալային հաշվարկում առաջին չորս հորիզոնականները զբաղեցնում են համապատասխանաբար Իսպանիան (9 ոսկի, 5 արծաթ, 4 բրոնզ), Իտալիան (8 ոսկի, 8 արծաթ, 9 բրոնզ), Լեհաստանը (6 ոսկի, 2 արծաթ, 4 բրոնզ) և Ուկրաինան (5 ոսկի, 3 արծաթ, 3 բրոնզ)։

Մինչ այժմ մեդալներ են նվաճել ընդհանուր առմամբ 34 երկիր։

Նշենք, որ ադրբեջանցի մարզիկները մեդալներ են նվաճել 2 մարզաձևերում՝ կարատե (2 ոսկի, 1 բրոնզ) և թաեքվոնդո (1 արծաթ, 1 բրոնզ)։