Օվերչուկ. ՌԴ-ն սերտորեն համագործակցում է Ադրբեջանի հետ Հյուսիս-Հարավ միջանցքի ստեղծման հարցում

Ռուսաստանը նպատակ ունի ապահովել մեծ Եվրասիայի տրանսպորտային և լոգիստիկ կապը՝ ավելի լավ մրցակցային պայմաններ ապահովելու համար։

Ինչպես հաղորդում է ՏԱՍՍ-ը, այս մասին «Ռուսաստան - իսլամական աշխարհ. Կազանֆորում» ֆորումի լիագումար նիստում ասել է ՌԴ փոխվարչապետ Ալեքսեյ Օվերչուկը։

Նրա խոսքով, դա ապրանք արտադրողների համար ավելի լավ մրցակցային պայմաններ կապահովի։

«Գործընկերներն այստեղի արդեն խոսել են այդ ենթակառուցվածքային նախագծերի մասին, Հյուսիս-Հարավ միջանցքի ստեղծման մասին, որը մենք իրականացնում ենք մեր գործընկերների հետ։ Այստեղ մենք սերտորեն համագործակցում ենք Ադրբեջանի, Ղազախստանի, Թուրքմենստանի, Ուզբեկստանի, Տաջիկստանի, Ղրղզստանի հետ։ Սա թե՛ երկաթուղային տրանսպորտի, թե՛ ավտոմոբիլային տրանսպորտի փոխադրումների զարգացումն է»,- ասել է նա։