Haber Global-ի եթերում բացահայտվել է Ստամբուլում SOCAR-ի գրասենյակի վրա հարձակվողների իրական նպատակը ՏԵՍԱՆՅՈՒԹ

Թուրքական Haber Global հեռուստաալիքը եթեր է հեռարձակել մի սյուժե, որում բացահայտվել է SOCAR-ի Ստամբուլի գրասենյակի վրա հարձակված արմատականների իրական նպատակը, ովքեր իրենց անվանել են Պաղեստինի կողմնակիցներ։

Ինչպես հայտնում է Сaliber.Az-ը, նյութում նշվում է, որ հարձակվողները անհաջող փորձ են կատարել՝ խաթարելու Թուրքիայի և Ադրբեջանի հարաբերությունները։

Ավելի ուշ հայտնի դարձավ, որ գործողության մասնակիցների մեծ մասն աջակցում է Սիրիայում և Իրաքում Թուրքիայի դեմ կռվող ահաբեկչական խմբավորումների գործունեությանը։

«Ահաբեկչական կազմակերպության աջակիցները, զրպարտիչ մեղադրանքներ հնչեցնելով, թե իբր Թուրքիայի տարածքով նավթ է վաճառվում Իսրայելին, հարձակվել են Ստամբուլում Ադրբեջանի պետական նավթային ընկերության գրասենյակի վրա։ Հարձակվողները կոտրել են ապակիները, փորձել են ջարդել դռները և սպառնալիքներ հնչեցրել։ Որպես Գազայի կողմնակից ներկայացող մարգինալ արմատականների հիմնական թիրախը ադրբեջանա-թուրքական բարեկամությունն էր։ Խումբը ստի և զրպարտության միջոցով փորձեց նսեմացնել Ադրբեջանին»,- ասվում է սյուժեում:

Նշվում է նաև, որ այս ակցիայի կազմակերպման մեջ իրանական հետք կա։