Բաքուն Երևանին է հանձնել երկու հայ զինվորների աճյունը ՊԱՇՏՈՆԱԿԱՆ

«2023 թվականի սեպտեմբերին՝ հակաահաբեկչական գործողության շրջանակներում ազատագրված տարածքներում՝ Դաշքեսանի շրջանի Բուղադաղ բարձունքների ուղղությամբ և Քելբեջարի շրջանի Դեվեդաղ լեռան մոտ որոնումների ժամանակ հայտնաբերվել են երկու մարդու ոսկորների մնացորդներ»:

Այս մասին Caliber.Az-ին հայտնել են՝ Գերիների, անհետ կորածների և պատանդների հարցերով պետական հանձնաժողովում։

Այնտեղ նշել են, որ ԱՀ Պետական անվտանգության ծառայության գլխավոր ռազմաբժշկական վարչության կողմից անցկացված մոլեկուլային գենետիկական փորձաքննության արդյունքում հաստատվել է, որ աճյունը պատկանում է՝ 2022 թ. սեպտեմբերին երկօրյա մարտական գործողությունների ընթացքում զոհված երկու զինծառայողների։

Հերթական անգամ, հիմնովին դրսևորելով բարի կամք և մարդասիրություն, Ադրբեջանը հունիսի 21-ին, առանց որևէ երրորդ կողմի միջնորդների, Հայաստանին է փոխանցել նրա զինծառայողների աճյունը։