Քաղաքագետ Սուրենյանց. Փաշինյանը «բոլոր ձվերը» դրեց Բայդենի վարչակազմի զամբյուղի մեջ

«Ո՞վ կփոխարինի Բայդենին ԱՄՆ Դեմոկրատական կուսակցությունում և կարո՞ղ է արդյոք այդ թեկնածուն լինել Թրամփի մրցակիցը, դա այն հարցն է, որն առավել շատ ու առաջին հերթին է անհանգստացնում ամերիկացիներին»։

Ինչպես հայտնում է Caliber.Az-ը՝ հայկական ԶԼՄ-ներին հղումով, այս մասին գրում է քաղաքագետ Սուրեն Սուրենյանցը։

«Եվ մեզ պետք է մտահոգի մեկ այլ հարց. անկախ այն բանից, որ Բայդենը պաշտոնավարելու է մինչև հունվարի երրորդ տասնօրյակը, նրա վարչակազմն այլևս որևէ հեղինակություն չի ունենա միջազգային հարաբերություններում։

Կարևոր չէ, թե մենք ինչպես ենք վերաբերվում Միացյալ Նահանգներին. չնայած նրանց թուլացած դիրքին, նրանք մնում են աշխարհի առաջին գերտերությունը:

Հետևաբար, Միացյալ Նահանգների ներքաղաքական տուրբուլենտությունը կհանգեցնի նաև մեր տարածաշրջանում նրա ազդեցության և ներգրավվածության թուլացմանը՝ դրանից բխող նոր ռիսկերով։ Առավել ևս, որ Փաշինյանի կառավարությունը «բոլոր ձվերը» դրել է Բայդենի վարչակազմի զամբյուղի մեջ»,- գրում է քաղաքագետը։