Ադրբեջանական Սու-25 գրոհային ինքնաթիռը համալրվել է SOM ŞAHİN թևավոր հրթիռով

07 Ապրիլի 2025 14:10

Ադրբեջանական Սու-25 գրոհային ինքնաթիռը հաջողությամբ ավարտել է Թուրքիայի պաշտպանական արդյունաբերության կողմից մշակված SOM ŞAHİN թևավոր հրթիռի կրակային փորձարկումները։

Ինչպես հայտնում է Caliber.Az-ը, այս մասին նշված է SavunmaSanayiST.com-ի X սոցիալական ցանցի էջում։

TÜBİTAK-ի հայտարարության մեջ ասվում է, որ «SOM-B1 հրթիռի արձակումը հաջողությամբ իրականացվել է ադրբեջանական Սու-25 ինքնաթիռից՝ կախովի համակարգի և TÜBİTAK SAGE-ի մշակած ինքնաթիռի ինքնավար հրաձգության համակարգի (UBAS) կիրառմամբ:

Ըստ տեղեկությունների՝ նշանաձգությունը տեղի է ունեցել 2024 թվականին Թուրքիայի փորձադաշտում։ SOM ŞAHİN թևավոր հրթիռը (SOM-B1-ի Ադրբեջանի համար մշակված կոնֆիգուրացիան), որն արձակվել է Սու-25 LAÇİN գրոհային ինքնաթիռից, հաջողությամբ խոցել է թիրախը մեծ հեռավորության վրա։ Այսպիսով, ավարտվել է SOM թևավոր հրթիռների գնման ամենակարևոր փուլը, որի մասին Ադրբեջանը առաջին անգամ հայտարարել էր 2018 թվականին։

TÜBİTAK-SAGE-ի կողմից մշակված և Roketsan-ի կողմից արտադրվող SOM-ը հայտնի է որպես Թուրքիայի օդից արձակված առաջին թևավոր հրթիռը: Ադրբեջանը չէր կարողանում SOM գնել շարժիչի էմբարգոյի պատճառով։ Սակայն, Թուրքիայի կողմից տեղական Kale KTJ-3200 տուրբոռեակտիվ հրթիռային շարժիչի ներդրմամբ այդ խոչընդոտը վերացվեց:

Caliber.Az

Դիտումներ: 444

Liked the story? Share it on social media!