Ադրբեջանցի զինծառայողները Կարսում կմասնակցեն զորավարժությունների

«Ձմեռային զորավարժություններ-2025» համատեղ վարժանքների նախապատրաստման շրջանակում, որը կանցկացվի Ադրբեջանի և Թուրքիայի միջև ստորագրված ռազմական համագործակցության մասին համաձայնագրի հիման վրա թուրքական Կարս քաղաքում, տեղի է ունեցել երկու երկրների ազգային դրոշների փոխանակման արարողություն։

Ինչպես հայտնում է Caliber.Az-ը՝ վկայակոչելով ՊՆ-ին, Առանձին համազորային բանակի դրոշակային դասակը Նախչըվանից Սադարակ սահմանային անցակետով երթ-արշավ է իրականացրել դեպի Արազ գետի վրա գտնվող «Ումիդ» կամուրջ։ Միաժամանակ, Թուրքիայի Զինված ուժերի դրոշակային դասակը Կարսից երթ է իրականացրել դեպի արարողության վայր։ Ադրբեջանի և Թուրքիայի պետական օրհներգերի կատարումից հետո «Ումիդ» կամրջի վրա տեղի է ունեցել երկու երկրների ազգային դրոշների փոխանակման արարողություն։

Միջոցառմանը ելույթ ունեցած Առանձին համազորային բանակի հրամանատար, գեներալ-մայոր Քանան Սեյիդովը խոսել է համատեղ զորավարժությունների կարևորության մասին և հաջողություն մաղթել մասնակիցներին։