Ադրբեջանն ու Վրաստանը քննարկել են արդարադատության ոլորտում համագործակցությունը

Վրաստանի արդարադատության նախարար Անրի Օխանաշվիլին հանդիպել է Վրաստանում Ադրբեջանի արտակարգ և լիազոր դեսպան Ֆաիգ Գուլիևի հետ։

Ինչպես տեղեկացնում է Report-ը, կողմերը քննարկել են երկու երկրների միջև երկարաժամկետ ռազմավարական գործընկերությունը և նշել արդարադատության ոլորտում իրավասու մարմինների արդյունավետ համագործակցությունը։

Հանդիպմանը մասնակցել են նաև Վրաստանի արդարադատության նախարարի խորհրդական Լևան Կասրաձեն, Ադրբեջանի դեսպանի խորհրդական Սամիր Աբդուրահիմովը և դեսպանատան ռազմական կցորդ Ռոյալ Փաշաևը։

Կողմերը պայմանավորվել են փոխգործակցության հետագա ծրագրերի շուրջ։