Ադրբեջանում ավելացել է մանրածախ ապրանքաշրջանառությունը

2024 թվականին Ադրբեջանի մանրածախ առևտրի ցանցում սպառողներին վաճառվել է 62,2 միլիարդ մանաթի ապրանք, այդ թվում՝ 34,1 միլիարդ մանաթի սննդամթերք, խմիչք և ծխախոտ, 28,1 միլիարդ մանաթի ոչ պարենային ապրանքներ։ 

Այս մասին հայտնում է Caliber.Az-ը՝ վկայակոչելով Պետական ​​վիճակագրական կոմիտեին։ Ըստ ներկայացված տվյալների՝ մանրածախ առևտրի շրջանառությունը իրական արտահայտությամբ աճել է 3,9%-ով, այդ թվում՝ պարենային ապրանքների, խմիչքների և ծխախոտինը՝ 2,1%-ով, իսկ ոչ պարենային ապրանքներինը՝ 6,3%-ով։

2024 թվականին մանրածախ ցանցում սպառողների ծախսերի 50,5%-ը ծախսվել է պարենային ապրանքների վրա, 4,4%-ը՝ խմիչքների և ծխախոտի, 14,5%-ը՝ տեքստիլի, հագուստի և կոշիկի, 5,5%-ը՝ բենզինի և դիզելային վառելիքի, 4,8%-ը՝ էլեկտրական ապրանքների և կահույքի վրա, 2.2%-ը՝ դեղագործական և բժշկական ապրանքների, 1.2%-ը՝ համակարգիչների, հեռահաղորդակցության սարքավորումների և տպագիր արտադրանքի, 16.9%-ը՝ այլ ոչ պարենային ապրանքների վրա։ 2024 թվականին միջին ամսական մանրածախ շրջանառությունը մեկ շնչի հաշվով կազմել է 508 մանաթ։