Ադրբեջանը սկսել է գազ մատակարարել Սիրիա

Թուրքիայում տեղի է ունեցել Քիլիս-Հալեպ սահմանային խողովակաշարի գործարկման արարողությունը, որը կապահովի ադրբեջանական գազի փոխադրումը Սիրիա Թուրքիայի տարածքով։

Report-ի թղթակցի փոխանցմամբ՝ արարողությունը տեղի է ունեցել Քիլիս նահանգի Յավուզլու գյուղում՝ Ադրբեջանի էկոնոմիկայի նախարար Միքայիլ Ջաբբարովի, Թուրքիայի էներգետիկայի և բնական պաշարների նախարար Ալփարսլան Բայրաքթարի, Կատարի զարգացման հիմնադրամի ղեկավար Ֆահադ Համադ Հասան Ալ-Սուլեյթիի և Սիրիայի էներգետիկայի նախարար Մոհամմեդ Ալ-Բաշիրի մասնակցությամբ։

Նախարարների ելույթներից հետո պաշտոնյաները խորհրդանշականորեն պտտել են գազատարի փականը։