Արաղչին՝ Իրանի և Ադրբեջանի հետ սահմանի բացման մասին

Իրանի արտգործնախարարը հայտնել է, որ Ադրբեջանը խոստացել է քննարկել՝ երկու երկրների միջև ուղևորատար սահմանային անցակետի վերաբացման հարցը, և Թեհրանը դեռևս սպասում է Բաքվի որոշմանը։
 
Tasnim-ի փոխանցմամբ՝ Իրանի արտգործնախարար Սեյեդ Աբբաս Արաղչին հայտարարել է.
 
«Սահմանի բացումը մեր հարաբերությունների հիմնական թեմաներից մեկն է Ադրբեջանի հետ։ Վերջին մեկ տարվա ընթացքում այս հարցը բարձրացվել է Իրանի և Ադրբեջանի նախագահների բոլոր հանդիպումների, ինչպես նաև Ադրբեջանի արտգործնախարարի հետ իմ բանակցությունների և երկու երկրների ներկայացուցիչների բոլոր այցելությունների ու  շփումների ժամանակ։ Փակ ցամաքային սահմանի հարցը անընդհատ քննարկվում է»։
 
Արտգործնախարարը հավելել է. «Ադրբեջանական կողմը հայտարարում է, որ նրա բոլոր սահմանները փակ են, և սա վերաբերում է ոչ միայն Իրանին։ Այդուհանդերձ, Ադրբեջանը խոստացել է վերանայել այս հարցը, և մենք դեռևս սպասում ենք որոշման»։