Բաղայի. Իրանը լավ հարաբերություններ ունի թե՛ Ադրբեջանի, թե՛ Հայաստանի հետ

Իրանը կողմ է Հայաստանի և Ադրբեջանի միջև խաղաղության պայմանագրի ստորագրմանը։

Ինչպես հաղորդում է Tasnim-ը, այս մասին այսօր մամուլի ասուլիսում ասել է Իրանի արտաքին գործերի նախարարության խոսնակ Իսմայիլ Բաղային։

«Ինչ վերաբերում է Հայաստանի և Ադրբեջանի հարցին, մենք միշտ ընդգծել ենք մեր աջակցությունը երկու երկրների միջև խաղաղության գործընթացին և կոչ ենք արել կողմերին հնարավորինս շուտ ստորագրել խաղաղության պայմանագիր։ Հարավային Կովկասի տարածաշրջանում խաղաղությունն ու կայունությունը ռազմավարական նշանակություն ունեն Իրանի համար։ Մենք լավ և հավասարակշռված հարաբերություններ ունենք երկու երկրների՝ Հայաստանի և Ադրբեջանի հետ, և մենք շեշտում ենք բարիդրացիական քաղաքականության շարունակականությունը», - նշել է Իրանի արտաքին գործերի նախարարության ներկայացուցիչը։