Իգդիրում հարգել են հայկական ահաբեկչության զոհերի հիշատակը

Թուրքիայի Իգդիր նահանգի Հաքմեհմեթ գյուղում տեղի է ունեցել հայկական ավազակախմբերի կողմից 1919 թվականին սպանված տասնյակ խաղաղ բնակիչների հիշատակի արարողություն։

Ինչպես հայտնում է AZERTAC-ը, հայերի կողմից իրականացված զանգվածային հանցագործություններից և վայրագություններից 106 տարի անց թուրքական գյուղում հավաքվել են նահատակների ժառանգները, ինչպես նաև ադրբեջանական սփյուռքի ներկայացուցիչներ։

Դիմելով արարողության մասնակիցներին՝ Թուրք-ադրբեջանական բարեկամության կազմակերպությունների ֆեդերացիայի (TADDEF) փոխնախագահ Սերդար Ունսալը նշել է, որ հայերի արյունալի հանցագործությունների զոհերի հուշարձանները հաստատումն են այսպես կոչված «հայոց ցեղասպանության» հորինված լինելը։

«1915-ի մտացածին դեպքերի հերթական տարելիցին հայերը կրկին կփորձեն հակաթուրքական հիստերիա բարձրացնել, սակայն ճշմարտությունն այն է, որ հենց հայերն են ցեղասպանություն իրականացրել թուրքերի դեմ։ Իգդիրի գյուղերում հայտնաբերված զանգվածային թաղման վայրերը, այդ թվում՝ Հաքմեհմեթում, Աքմամեթում, Օբաում, Թուզլուջայում, Գեդիքլիում, Քոչքըրանուն, Յայջիում, Քազանչիում, Իգդիրի հազարավոր բնակիչների ողբերգության վկայությունն են»,- նշել է TADDEF-ի ղեկավարի տեղակալը։