Լեբեդև. Ադրբեջանի և Հայաստանի առաջնորդները քննարկել են խաղաղության ուղղությամբ առաջընթացը

ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը Դուշանբեում ԱՊՀ գագաթնաժողովի շրջանակներում քննարկել են խաղաղության ուղղությամբ առաջընթացը։

ՏԱՍՍ-ի փոխանցմամբ՝ այս մասին հայտարարել է ԱՊՀ գլխավոր քարտուղար Սերգեյ Լեբեդևը նիստի արդյունքներով հրավիրված մամուլի ասուլիսում։

«Հայաստանի վարչապետը և Ադրբեջանի նախագահը շատ ջերմ զրույց են ունեցել և քննարկել, թե ինչպես առաջ շարժվել խաղաղության և անվտանգության ճանապարհով», - ասել է Լեբեդևը։