Մոսկվայում փակվել են Էմին Աղալարովի ռեստորանները

Մոսկվայի «Ավիապարկ» առևտրի կենտրոնում  փակվել են՝Էմին Աղալարովի՝ «Ֆորտե Բելլո», «Զաֆերանո» և «Էդոկո» ռեստորանները՝ AgalarovRest ընկերության  կողմից անկախ նախագծերի վրա կենտրոնանալու պլանների  հետ կապված։
 
Այս մասին ՏԱՍՍ-ին հայտնել են Agalarov Development-ի մամուլի ծառայությունը։
 
Ավելի վաղ Telegram ալիքները հայտնել էին՝ «Ավիապարկ» առևտրի կենտրոնում երեք ռեստորանների փակման մասին։
 
AgalarovRest ընկերության ներկայիս ռազմավարության շրջանակներում՝ ընկերությունը առևտրի կենտրոններում տեղակայված օբյեկտներից իր ուշադրությունը տեղափոխում է անկախ նախագծերի վրա», - ՏԱՍՍ-ին ասել են Agalarov Development-ում։
 
NF Group-ի առևտրային անշարժ գույքի  դեպարտամենտի տարածաշրջանային տնօրեն Եվգենյա Հակբերդիևայի խոսքով՝ Էմին Աղալարովի ռեստորանները փակվել են ոչ միայն «Ավիապարկ»-ում, այլև այլ վայրերում։
 
«Հիմնական պատճառն այն է, որ հաստատությունները դարձել են պակաս արդյունավետ։ Դրանք աշխատել են միջին և բարձր հատվածներում, որտեղ լսարանը սպասում է կոնցեպտների, ծառայությունների և առաջարկների  մշտական թարմացումների։ Վերջին տարիներին դա տեղի չի ունեցել, ուստի նախագծերը բնականաբար ավարտվել են, չնայած դրանք ավելի երկար են  գոյություն ունեցել շատ մրցակիցներից», - նշել է Հակբերդիևան ՏԱՍՍ-ի հետ զրույցում։