Բաքուն և Թեհրանը քննարկել են մշակութային կապերի զարգացումը

Իրանում Ադրբեջանի դեսպան Ալի Ալիզադեն՝ այդ երկրի մշակույթի նախարար Սեյեդ Աբբաս Սալեհիի հետ հանդիպմանը քննարկել է՝ երկու երկրների միջև մշակույթի և արվեստի ոլորտում համագործակցությունը։
 
Caliber.Az-ի փոխանցմամբ՝ այս մասին հրապարակում է տեղադրվել դեսպանատան X սոցիալական ցանցում։
 
Հանդիպմանը նշվել է՝ երկու երկրների ժողովուրդների ընդհանուր պատմական, հոգևոր և մշակութային կապերի ներդրումը հարաբերությունների ամրապնդման գործում և ընդգծվել է մշակույթի և արվեստի ոլորտում համագործակցության կարևորությունը։
 
«Կայացել է մտքերի փոխանակում՝ Ադրբեջանի և Իրանի մայրաքաղաքներում և շրջաններում մշակութային օրերի անցկացման, համատեղ ցուցահանդեսների, համաժողովների, այցելությունների կազմակերպման, կրոնական, պատմական և մշակութային հուշարձանների պահպանման և այլ համատեղ նախագծերի իրականացման շուրջ», - ասվում է հրապարակման մեջ։