«Հյուրիեթ»-ը՝ Ադրբեջանի, Թուրքիայի և Իսրայելի միջև էներգետիկ և առևտրային միջանցքի ստեղծման մասին

Թուրքիան մտադրություն չունի շփվել՝ վարչապետ Բենիամին Նեթանյահուի գլխավորած Իսրայելի ներկայիս կառավարության հետ։
 
«Հյուրիեթ»-ի փոխանցմամբ, Իսրայելում նոր կառավարության հնարավոր ձևավորման գործում թուրքական իշխանությունների համար որոշիչ գործոնները կլինեն՝ ինչպես նրա կողմից հետևող գաղափարախոսությունը, այնպես էլ վարվող քաղաքականությունը։
 
«Հյուրիեթ»-ը այդպիսով արձագանքել է՝ Անկարայում ԱՄՆ դեսպանի և Սիրիայի հարցերով ԱՄՆ նախագահի հատուկ ներկայացուցիչ Թոմ Բարաքի վերջերս արած հայտարարությանը, որ «Թուրքիան և Իսրայելը չեն կռվի միմյանց դեմ»։ Բարաքը նաև հաստատել է՝ Կասպից ծովից մինչև Միջերկրական ծով տարածաշրջանում երկու երկրների միջև համագործակցության հնարավորությունը։
 
«Ամերիկացի պաշտոնյաները ընդգծում են, որ Բարաքի հայտարարությունները պարզապես փաստի արձանագրում չեն»։ Նրանց խոսքով՝ Թուրքիայի և Իսրայելի չպատերազմելու վրա նրա շեշտադրումը նշանակում է, որ Վաշինգտոնը ձգտում է կանխել երկու երկրների միջև հակամարտությունը և նպատակ ունի՝ առաջիկա տարիներին կապեր հաստատել [Անկարայի] և Իսրայելի նոր կառավարության միջև։ Բարաքի դիտարկումները՝ Կասպից ծովից մինչև Միջերկրական ծով տարածաշրջանում համագործակցության մասին նույնպես պատահական չեն։ «Այս աշխարհագրական գիծը կարող է նշանակել՝ Ադրբեջանի, Թուրքիայի և Իսրայելի միջև էներգետիկ և առևտրային միջանցքի ստեղծում», - գրում է հրատարակությունը։