D-8 գլխավոր քարտուղարը՝ Բաքվում ներդրումային համագործակցության վերաբերյալ հանդիպման անցկացման մասին

D-8 տնտեսական համագործակցության կազմակերպության գլխավոր քարտուղար Իսիակ Աբդուլգադիր Իմամն առաջարկել է՝ Բաքվում հանդիպում կազմակերպել կազմակերպության անդամ երկրների ներդրումների խթանման գործակալությունների միջև՝ նպատակ ունենալով ամրապնդել և ընդլայնել ներդրումային համագործակցությունը։
 
Ինչպես հայտնում է Caliber.Az-ը, այս մասին ասվում է՝ Ադրբեջանի  տնտեսության նախարարի առաջին տեղակալ Էլնուր Ալիևի հետ գլխավոր քարտուղարի հանդիպման արդյունքներով X սոցցանցում D-8-ի հրապարակման մեջ:
 
Հաղորդագրությունում նշվում է, որ փոխնախարարը պաշտպանել է այս առաջարկը և պատրաստակամություն հայտնել՝ զարգացնել համագործակցությունը տարբեր առաջնահերթ ոլորտներում, այդ թվում՝ տրանսպորտի, փոքր և միջին բիզնեսի, մարդկային ռեսուրսների զարգացման, ՏՀՏ, առևտրի և ներդրումների ոլորտներում։
 
Բանակցությունների ընթացքում կողմերն ընդգծել են՝ էլեկտրոնային առևտրի և ներդրումների ոլորտում գործընկերության կարևորությունը և պայմանավորվել են՝ առաջարկվող  միջոցառումների վերաբերյալ հետագա խորհրդատվություններ անցկացնելու մասին։