Էրդողան. Ադրբեջանն ու Հայաստանը անկեղծ ջանքեր են գործադրում տարածաշրջանում խաղաղության համար

Ադրբեջանն ու Հայաստանը անկեղծ ջանքեր են գործադրում տարածաշրջանում խաղաղության հաստատման համար, և Անկարան հետևելու է գործընթացին։
 
Ինչպես հայտնում է Caliber.Az-ը՝ թուրքական լրատվամիջոցներին հղումով, այս մասին հայտարարել է Թուրքիայի նախագահ Ռեջեփ Թայիփ Էրդողանը` երկրի նախարարների կաբինետի նիստի արդյունքներով։
 
Նա հիշեցրել է, որ հոկտեմբերի 18-ին Ստամբուլում տեղի է ունեցել տարածաշրջանային «3+3» հարթակի նախարարական հանդիպումը։
 
Էրդողանն ընդգծել է, որ ադրբեջանական տարածքների 30-ամյա օկուպացիայի ավարտից հետո` Հարավային Կովկասի տարածաշրջանում կայուն խաղաղության պատմական հնարավորություն է ստեղծվել։
 
«Մենք տեսնում ենք եղբայրական Ադրբեջանի և Հայաստանի անկեղծ ջանքերն այս ուղղությամբ, և Անկարան կհետևի այդ գործընթացին։ Այժմ եզակի հնարավորություն կա կայուն խաղաղության համար: Մենք կշարունակենք աշխատել մեր ադրբեջանցի եղբայրների հետ համակարգված»,- ասել է նա։