Ղազախստանի իշխանությունները հրապարակել են՝ AZAL-ի ինքնաթիռի կործանման վերաբերյալ նախնական զեկույցը ՄԱՆՐԱՄԱՍՆԵՐ

Ղազախստանի Հանրապետության կառավարական հանձնաժողովը, որն ուսումնասիրում է «դրբեջանական ավիաուղիների» (AZAL) Embraer 190 ինքնաթիռի վթարի պատճառները, որը կատարում էր J2-8243 չվերթը՝ Բաքու-Գրոզնի երթուղով, նախնական զեկույց է ներկայացրել՝ 2024 թվականի դեկտեմբերին 25-ին Ակտաու քաղաքի մոտակայքում տեղի ունեցած ողբերգության վերաբերյալ։
 
Հիշեցնենք, որ աղետի հետևանքով ինքնաթիռում գտնվող 67 հոգուց զոհվել է 38-ը, այդ թվում՝ երկու  օդաչուները, և մեկ բորտուղեկցորդուհին։ Նրանց հաջողվել է փրկել 29 մարդու, այդ թվում՝ երկու բորտուղեկցողների։
 
Հանձնաժողովում Ղազախստանի ներկայացուցիչների հետ մեկտեղ ընդգրկված էին մասնագետներ՝ Ադրբեջանից, Ռուսաստանից և Բրազիլիայից։ Փորձագետները մանրամասն վերլուծել են թռիչքի ձայնագրիչները և այլ տեխնիկական տվյալները, ինչը հնարավորություն է տվել վերականգնել ողբերգությանը նախորդած իրադարձությունների ժամանակագրությունը։
 
Caliber.Az-ը ներկայացնում է հետաքննության մանրամասները.
 

Փորձագետները տարբեր չափերի և ձևերի բազմաթիվ վնասներ են արձանագրել՝ ֆյուզելաժի պոչամասում, ուղղահայաց կայունացուցիչում, ինչպես նաև  բարձրության և ուղղության և ղեկերի վրա։
 
Նմանատիպ վնասներ են հայտնաբերվել նաև ձախ շարժիչի, ձախ թևի, հիդրավլիկ համակարգի, ինչպես նաև ինքնաթիռի ագրեգատների և առանձին բաղադրիչների վրա։ Որոշ տեղերում վնասն ունի բնորոշ ուղղանկյուն ձև։
 

Հայտնաբերված մետաղական իրերի մի մասը հանվել է հիդրոտեխնիկական համակարգի թիվ 3 խցիկից և կայունացուցիչի կառավարման մեխանիզմից։
 
Զեկույցում ներկայացված են նաև հայտնաբերված այլ մետաղական առարկաների օրինակներ:

Սակայն զեկույցի ամենակարևոր կետերից մեկը. ուշադրություն դարձրեք, որ ձայնագրության մեջ՝ ինքնաթիռում խնդիրներն սկսվել են 05:13-ին, իսկ «Կովյոր»  պլանի մասին նշված է 05:21-ին: Սքրինշոթները վերևում: Այսինքն՝ «Կովյոր» պլանի մասին հայտարարվել է ողբերգությունից 8 րոպե անց։
 
Ռուսական ԶԼՄ-ներն արդեն սկսել են թմբկահարել, որ հայտարարվել է «Կովյոր» պլան։ Այո, եղել է, բայց միայն այն բանից հետո, երբ խոցվել է ադրբեջանական ինքնաթիռը։
 
P.S. Մինչև ժամը 05:21-ը «Կովյոր» պլանի հիշատակման առնչությամբ ուզում ենք հատկապես ընդգծել, որ դրանք ռուսական կողմի ներքին բանակցություններ են եղել և ոչ մի կապ չունեն սև արկղերի հետ։ Այսինքն՝ ինքնաթիռին ոչ ոք չի զգուշացրել վտանգի մասին։