Հաքան Ֆիդան. Բաքվի և Երևանի միջև խաղաղության համար պատմական հնարավորություն է ստեղծվել

Պատմական հնարավորություն է ստեղծվել՝ Ադրբեջանի և Հայաստանի միջև խաղաղության պայմանագիր կնքելու համար։
 
Ինչպես հաղորդում է Caliber.Az-ը՝ թուրքական ԶԼՄ-ներին հղումով, այս մասին հայտարարել է Թուրքիայի արտգործնախարար Հաքան Ֆիդանը՝ Գերմանիայի ԱԳ նախարար Աննալենա Բերբոքի հետ հանդիպմանը։
 
Նա ընդգծել է, որ երրորդ կողմերը պետք է արդար և անաչառ կերպով աջակցեն այս գործընթացին։
 
Նախարարները քննարկել են նաև՝ Սիրիայում և Ուկրաինայում տիրող իրավիճակը։ Ֆիդանը նշել է, որ միջազգային հանրությունը պետք է համագործակցի Գազայում մշտական ​​հրադադարի ապահովման և պաղեստինյան անկլավին մարդասիրական օգնության առաքման համար։
 
Նրա խոսքով, Թուրքիան աջակցում է Ռուսաստանի և Ուկրաինայի միջև պատերազմի շուտափույթ ավարտին ուղղված բանակցային գործընթացին։