Իրանի խորհրդարանի նախագահը ժամանել է Բաքու

Իրանի խորհրդարանի նախագահ Մոհամմադ Բաղեր Գալիբաֆը ժամանել է Բաքու՝ մասնակցելու Ասիական խորհրդարանական վեհաժողովի (ԱԽՎ) 15-րդ լիագումար նիստին։
 
Ինչպես հաղորդում է Report-ը՝ վկայակոչելով իրանական լրատվամիջոցներին, Ադրբեջան մեկնելուց առաջ՝ իրանցի խոսնակը տեղի լրագրողներին ասել է, որ Թեհրանը շահագրգռված է Բաքվի հետ միջազգային և տարածաշրջանային կապերի զարգացմամբ։
 
«Ադրբեջանն ու Իրանը բազմադարյա պատմական և բազմաբնույթ կապեր ունեն։ Այցի ընթացքում երկկողմ հանդիպումներ կկայանան՝ բարձրաստիճան պաշտոնատար արձանց  հետ, որոնք կարևոր են՝ քաղաքական, տնտեսական, սոցիալական և մշակութային ոլորտներում համագործակցության զարգացման համար»,- նշել է Գալիբաֆը։
 
Հիշեցնենք, որ 15-րդ նստաշրջանն անցկացվում է՝ «Խորհրդարանական դիվանագիտության դերը Ասիայում բազմակողմ համագործակցության ամրապնդման գործում» կարգախոսով: Նիստերին կմասնակցեն 26 երկրների խորհրդարանների պատվիրակություններ, 6 միջազգային կազմակերպությունների ներկայացուցիչներ, խորհրդարանների 10-ից ավելի խոսնակներ։