Հիքմեթ Հաջիևը հանդիպել է ԱՄՆ պետքարտուղարի տեղակալի հետ

Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը հանդիպել է ԱՄՆ պետքարտուղարի քաղաքական հարցերով տեղակալ Ալիսոն Հուքերի հետ։

Այս մասին հաղորդում է Caliber.Az-ը՝ հղում անելով Հաջիևի Х-ի էջին։

«Ուրախ եմ հանդիպելու ԱՄՆ պետքարտուղարի քաղաքական հարցերով տեղակալ Ալիսոն Հուքերի գլխավորած պատվիրակության հետ։ Քննարկեցինք հարցերի լայն շրջանակ, այդ թվում՝ Հայաստանի և Ադրբեջանի միջև խաղաղության օրակարգի առաջխաղացումը և տարածաշրջանային կապի ոլորտում նախաձեռնությունների իրականացումը։ Մենք նաև մտքեր փոխանակեցինք տարածաշրջանային և համաշխարհային առանցքային զարգացումների վերաբերյալ՝ վերահաստատելով Ադրբեջանի և Միացյալ Նահանգների միջև ռազմավարական գործընկերության ոգին», - գրել է Հաջիևը։

Pleased to meet with the United States delegation led by Allison Hooker, Under Secretary of State for Political Affairs. Our discussions covered a wide range of issues, including the advancement of the Armenia–Azerbaijan peace agenda and the implementation of regional… pic.twitter.com/NPg6JLz6Ng

— Hikmet Hajiyev (@HikmetHajiyev) November 19, 2025