Մոսկվան Բաքվից և Երևանից ակնկալում է 3+3 ձևաչափի հանդիպման ամսաթվի համաձայնեցնումը

Ռուսաստանը Ադրբեջանից և Հայաստանից ակնկալում է ակտիվ քայլեր՝ 3+3 տարածաշրջանային համագործակցության հարթակին մասնակցող երկրների արտաքին գործերի նախարարությունների ղեկավարների հաջորդ հանդիպման անցկացման ամսաթվերի համաձայնեցնեցման վերաբերյալ։
 
Ինչպես հաղորդում է ՏԱՍՍ-ը, այս մասին ճեպազրույցի ժամանակ հայտարարել է՝ Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։
 
Դիվանագետը նշել է, որ նման հարթակը, որի անդամ երկրներն են Ռուսաստանը, Ադրբեջանը, Հայաստանը, Վրաստանը, Իրանը և Թուրքիան, ծառայում է որպես «լավ հարթակ՝ հայ-ադրբեջանական հարաբերությունների կարգավորման և Հարավային Կովկասին վերաբերող այլ թեմաների քննարկման համար»։
 
«Մենք ակնկալում ենք, որ մեր ադրբեջանցի և հայ գործընկերները կձեռնարկեն ակտիվ քայլեր՝ արագ համաձայնեցնելու այս հարթակին մասնակցող երկրների արտաքին գործերի նախարարությունների ղեկավարների հաջորդ հանդիպման վայրը և ամսաթում էվերը», - նշել է Զախարովան։
 
Միևնույն ժամանակ, Ռուսաստանի  ԱԳՆ պաշտոնական ներկայացուցիչը հավելել է, որ ռուսական կողմը հաստատում է «իր պատրաստակամությունը՝ գործընկերներին տրամադրել անհրաժեշտ օգնություն հարցերի ամբողջ շրջանակում»։