Նախարար. Ադրբեջանում իր աշխատանքը կսկսի Հունգարական համալսարանի մասնաճյուղ

Ադրբեջանում մոտ ժամանակներում MATE համալսարանի մասնաճյուղ կբացվի։
 
Oxu.Az-ի փոխանցմամբ, այս մասին հայտարարել է գյուղատնտեսության նախարար Մեջնուն Մամեդովը՝ Բաքվում 1-ին ադրբեջանական միջազգային ներդրումային ֆորումի երկրորդ օրը իր ելույթում։
 
Նրա խոսքով՝ համաշխարհային ներդրողների և գործընկերների համար հետաքրքրություն ներկայացնող մեկ այլ ոլորտ է հանդիսանում Ադրբեջանում առկա մարդկային կապիտալը։
 
«Մենք  մեծ ներդրումներ ենք կատարում կրթության մեջ։ Օրինակ՝ Իտալիայում համալսարանի հետ ռազմավարական գործընկերության շրջանակներում՝ բացվել է նոր բարձրագույն ուսումնական հաստատություն, իսկ Ադրբեջանում շուտով կբացվի հունգարական MATE համալսարանի մասնաճյուղ», - նշել է նա։