NBC News. ՌԴ զինվորականները «կարող էին շփոթել» AZAL-ի ինքնաթիռը անօդաչու թռչող սարքի հետ և խոցել այն

Ռուսաստանցի զինվորականները «հնարավոր է սխալմամբ» «Ադրբեջանական ավիաուղիներ»-ի ինքնաթիռը ընդունել են, որպես անօդաչու թռչող սարք։ Եվ դրա համար էլ հակաօդային պաշտպանության համակարգերով հարձակվել են նրա վրա։
 
Ինչպես հայտնում է NBC News-ը, վկայակոչելով ամերիկացի երկու պաշտոնյաների, Միացյալ Նահանգները հետախուզական տվյալներ ունեն այն մասին, որ ռուսները կարող էին սխալ ճանաչել ադրբեջանական մարդատար ինքնաթիռը և խոցել այն։
 
Նրանց խոսքով՝ հետախուզական տվյալները ցույց են տալիս, որ ՌԴ զինվորները ինքնաթիռը շփոթել են անօդաչու թռչող սարքի հետ, այդ թվում՝ թռիչքի ոչ ստանդարտ ձևի և բարձրության պատճառով, որով այն թռչում էր։ Դրա հետ մեկտեղ, նրանց խոսքով, նախաքննությունը դեռ շարունակվում է։