Պետդումայի փոխնախագահ. Առանց Ռուսաստանի Հայաստան չի լինի

Մեր դարավոր պատմությունն ամեն անգամ ապացուցում է, որ երկու երկրներն էլ միմյանց կարիքն ունեն, և որ առանց Ռուսաստանի Հայաստան չի լինի, բայց Հայաստանի ներկայիս քաղաքական ղեկավարությունը այլ կերպ է մտածում և դեպի Արևմուտքի մերձեցման կուրս է վարում:
 
Ինչպես հաղորդում է Caliber.Az-ը, այս մասին «Ռուսաստան-Հայաստան» երկրորդ հանրային ֆորումի շրջանակում ասել է՝ ՌԴ Պետդումայի փոխնախագահ Պյոտր Տոլստոյը։
 
«Բայց ինձ թվում է, որ ոչ մի իշխանություն, թեկուզ ներկայիս նման դինամիկ և արևմտյան ուղղվածություն ունեցող իշխանությունը, չի կարողանա վարել այնպիսի կուրս, որը չի աջակցվի Հայաստանի ժողովրդի կողմից։ Իսկ հայաստանցիները դարեր շարունակ գիտեն, թե ովքեր, երբ և ինչու են հանդես եկել ի պաշտպանություն իրենց և ինչպես են կառուցվել երկու երկրների հարաբերությունները։ Ուստի, ես վստահ եմ, որ մենք հիմք ունենք, և այս բոլոր քաղաքական թյուրիմացությունները անցողիկ են»,- նշել է Տոլստոյը։
 
Նրա խոսքով, Հայաստանում արևմտամետ կուսակցություններ կազմակերպելու Արևմուտքի ջանքերը, եվրոպական երազանքի, եվրոպական կողմնորոշման մասին այս բոլոր խոսակցությունները, Հայաստանի երիտասարդության վրա հակառուսական վերաբերմունքի առումով ազդելու փորձ է, սրանցից ոչ մեկը չի աշխատի, քանի որ պատմությունը մեր կողմն է: