S&P Global Ratings-ը բարելավել է Ադրբեջանի ՀՆԱ-ի աճի կանխատեսումը

S&P Global Ratings միջազգային վարկանիշային գործակալությունը բարելավել է՝ Ադրբեջանի ՀՆԱ-ի աճի կանխատեսումը 2024 թվականին՝  մինչև 4,5%-ի:
 
Այս մասին հայտնում է Report-ը՝ հղում անելով S&P Global Ratings-ի տվյալներին։
 
S&P-ն նշում է, որ 2024 թվականին Ադրբեջանի ՀՆԱ-ի աճի տեմպը զգալիորեն ավելի բարձր է եղել, քան գործակալությունը կանխատեսել էր այս տարվա սկզբին։ «2024 թվականի հունվար-հոկտեմբերին ՀՆԱ-ի աճը կազմել է 4,9 տոկոս։ Ելնելով դրանից՝ մենք վերանայել ենք ընթացիկ տարվա համար երկրի ՀՆԱ-ի աճի կանխատեսումը 2,5%-ից մինչև 4,5% (հունիսի կանխատեսում)»,- ընդգծվում է տեղեկատվության մեջ։
 
Գործակալությունն ընթացիկ տարում ՀՆԱ-ի անվանական ծավալը կանխատեսում է 126 մլրդ մանաթ (74 մլրդ դոլար)։
 
Ադրբեջանում տնտեսական աճի հիմնական շարժիչ ուժը ոչ նավթային հատվածն է, որը 10 ամսվա ընթացքում աճել է 6,8%-ով։ «Այդ աճին նպաստել են բեռնափոխադրումների և ուղևորափոխադրումների, տեղեկատվական և կապի ծառայությունների և մանրածախ ապրանքաշրջանառության ավելի  բարձր ցուցանիշները: Մենք նաև դրական դինամիկա ենք նկատում շինարարության ոլորտում՝ արտացոլելով ներդրումները Ղարաբաղի տարածաշրջանում»,- նշում է գործակալությունը։