Թուրք նախարարը՝ Զանգեզուրի միջանցքով Հայաստանի հետաքրքրվածության մասին

Հայաստանը շահագրգռված է, որ Զանգեզուրի միջանցքն անցնի նրա տարածքով։
 
Ինչպես հաղորդում է Caliber.Az-ը՝ Akşam-ին հղումով, այս մասին հայտարարել է՝ Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն։
 
Նա նշել է որ Կարս-Իգդիր-Արալըք-Դիլուջու երկաթուղու՝ բարձր ստանդարտների 224 կիլոմետր երկարությամբ  նախագծի մրցույթ է անցկացվել, որի իրականացումը նախատեսվում է սկսել հաջորդ տարվա առաջին ամիսներին։
 
«Հարցն այն է, որ այս երթուղին կանցնի Հայաստանո՞վ, թե՞ Իրանով։ Մենք Ստամբուլում կազմակերպեցինք Միջազգային ճանապարհային ֆեդերացիայի համաշխարհային կոնգրեսը։ Եկավ Հայաստանի տրանսպորտի նախարարը, մենք նրա հետ էլ խոսեցինք։ Ուզում եմ ասել, որ նրանք ցանկություն ու կամք ունեն, որպեսզի այս երթուղին անցնի իրենց երկրով։ Մենք հաշվի ենք առնելու Ադրբեջանի դիրքորոշումը: Մյուս կողմից, կարելի է ասել, որ նախագծի վրա աշխատանքները արագ են ընթանում»,- ասել է Ուրալօղլուն։
 
Նախարարը նաև հայտարարել է, որ Զանգեզուրի միջանցքն ուղղակիորեն կապելու է Թուրքիան Ադրբեջանի և թուրքական աշխարհի հետ։