«Սաքստատ». Ադրբեջանը դարձել է Վրաստան բեռնափոխադրումների հիմնական երկիրը

Վրացական երկաթուղիներով բեռնափոխադրումների ծավալը 2025 թվականի երրորդ եռամսյակում՝ 2024 թվականի նույն ժամանակահատվածի համեմատ նվազել է 1.4 տոկոսով՝ հասնելով 3.5 միլիոն տոննայի։
 
Ինչպես հաղորդում է Caliber.Az-ը՝ վրացական լրատվամիջոցներին հղումով, այս մասին նշվում է Վրաստանի ազգային վիճակագրական ծառայության «Սաքստատ»-ի տվյալներում։
 
«Սաքստատ»-ի տվյալներով՝ այս ծավալի 9.5%-ը կազմում են ներքին բեռնափոխադրումները, 32.4%-ը՝ միջազգային բեռնափոխադրումները (բացառությամբ տարանցիկի), իսկ 58.1%-ը՝ տարանցիկ բեռնափոխադրումները։
 
Երրորդ եռամսյակում միջազգային բեռնափոխադրումների շրջանակներում երկաթուղով տեղափոխված բեռների ընդհանուր ծավալի 22.7%-ը արտահանվել է Վրաստանից, իսկ 77.3%-ը՝ ներմուծվել։
 
Բացի այդ, երկաթուղով ներմուծված բեռների ընդհանուր ծավալի 32%-ը բաժին է ընկել Ադրբեջանին, Ռուսաստանին՝ 29.1%-ը: Մյուս ուղարկող երկրներից յուրաքանչյուրի բաժինը կազմել է 10%-ից պակաս (ընդհանուր առմամբ 38.9%):