Ադրբեջանում ավելացել են կենդանիների նկատմամբ դաժան վերաբերմունքի համար տուգանքները

Միլլի Մեջլիսը երրորդ ընթերցմամբ հաստատել է՝ կենդանիների նկատմամբ դաժան վերաբերմունքի համար տուգանքների բարձրացումը։
 
Ինչպես հայտբնում է Report-ը, խորհրդարանի այսօրվա լիագումար նիստում քննարկվել են՝. Վարչական իրավախախտումների վերաբերյալ օրենսգրքում առաջարկվող փոփոխությունները։
 
Առաջարկվող փոփոխությունների համաձայն՝ կենդանիների նկատմամբ դաժան վերաբերմունքի համար, այսինքն՝ նրանց ցավ պատճառելը, տառապելը, ծեծելը կամ կռվի պարտադրելը, կսահմանվի տուգանք 500-ից 800 մանաթի չափով։
 
Եթե ​​այդ գործողություններն իրականացվեն ցուցադրական, այդ թվում՝ լրատվամիջոցներով ցուցադրական, տուգանքը կկազմի 800-1000 մանաթ։
 
Եթե ​​այդ գործողությունները հանգեցնեն կենդանու վնասվածքի, ապա տուգանքը կկազմի 1000-1500 մանաթ։ Կենդանիների սատկելու հանգեցնող գործողությունների համար նախատեսված է տուգանք՝ 1500-ից 2000 մանաթի չափով, կամ՝ կախված դեպքի հանգամանքներից և հաշվի առնելով իրավախախտի ինքնությունը՝ կարող է կիրառվել վարչական կալանք՝ մինչև մեկ ամիս ժամկետով։
 
Օրենսգրքի մեկ այլ առաջարկվող փոփոխությունը նախատեսում է տուգանք 1000-ից 1500 մանաթի չափով կամ վարչական կալանք՝ մինչև մեկ ամիս ժամկետով՝ կենդանիների նկատմամբ դաժան վերաբերմունք քարոզելու կամ կենդանիների նկատմամբ դաժան վերաբերմունքի բացահայտ կոչեր քարոզելու, ինչպես նաև նման վերաբերմունքն արտացոլող նյութեր առևտրային նպատակներով օգտագործելու համար։