Ադրբեջանում ավելացել են պարտադիր սոցիալական վճարների հավաքագրումները

2025 թվականի հունվարին՝ Ադրբեջանում պետական ​​պարտադիր սոցիալական ապահովագրության վճարները կազմել են 443,4 մլն մանաթ, ինչը 11,6%-ով ավելի է նախորդ տարվա նույն ժամանակահատվածի համեմատ։
 
Այս մասին հայտնում է Report-ը՝ հղում անելով  տնտեսության նախարարությանը կից հարկային պետական ​​ծառայությանը։
 
Գործակալության տվյալներով՝ արտաբյուջետային կազմակերպություններից մուտքերը՝ 2025 թվականի հունվարին աճել են 12,6%-ով՝ հասնելով 321 մլն մանաթի։
 
Բացի այդ, գործազրկության ապահովագրության մուտքերն աճել են 18,4%-ով և կազմել 16 մլն մանաթ, այդ թվում՝ արտաբյուջետային կազմակերպություններից՝ 14,9%-ով և կազմել 13 մլն մանաթ։
 
Պարտադիր բժշկական ապահովագրությունից մուտքներն աճել են 10,2%-ով և կազմել 79,3 մլն մանաթ, այդ թվում՝ արտաբյուջետային կազմակերպություններից դրանք աճել 8,1%-ով և կազմել 61 մլն մանաթ։