Ադրբեջանում հարկային եկամուտները գերազանցել են 15 միլիարդ մանաթը

2025 թվականի հունվար-նոյեմբեր ամիսներին  տնտեսության նախարարության ենթակայության տակ գտնվող հարկային պետական ​​ծառայության միջոցով պետական ​​բյուջե մուտքագրված հարկային եկամուտները կազմել են ավելի քան 15 միլիարդ 310,5 միլիոն մանաթ, ինչը 2,1%-ով ավելի է նախորդ տարվա նույն ժամանակահատվածի համեմատ:
 
Caliber.Az-ի փոխանցմամբ՝ այս մասին հայտնել է հարկային պետական ​​ծառայությունը։
 
«2025 թվականի հունվար-նոյեմբեր  ամիսներին պետական ​​բյուջե է հավաքագրվել ավելի քան 15 միլիարդ 310,5 միլիոն մանաթի հարկեր, կանխատեսումը կատարվել է  105,1%-ով։ 2024 թվականի նույն ժամանակահատվածի համեմատ՝ պետական ​​բյուջե հարկային եկամուտներն աճել են 315,1 միլիոն մանաթով կամ 2,1%-ով», - նշվում է  տեղեկատվության մեջ։
 
11 ամիսների ընդհանուր հարկային եկամուտներից 11 միլիարդ 187,6 միլիոն մանաթը ստացվել է ոչ նավթագազային ոլորտից։ Սա 8.7%-ով ավելի է՝ 2024 թվականի հունվար-նոյեմբեր ամիսների համեմատ։ Կանխատեսումը կատարվել է 102.7%-ով։

Հարկային պետական ​​ծառայության տվյալներով՝ վճարված հարկերի 73.1%-ը  բաժին է ընկել ոչ նավթագազային ոլորտին, 26.9%-ը՝ նավթագազային ոլորտին։