Ադրբեջանը ջորի թեման բերում է կլիմայական դիվանագիտության կենտրոն

Ադրբեջանը խիստ հետաքրքրված է՝ ջրային ռեսուրսների արդյունավետ օգտագործմամբ և ընդհանուր առմամբ ջրային անվտանգությամբ։
 
Ինչպես հաղորդում է Report-ը, այս մասին հայտարարել է Արտաքին գործերի նախարարության կլիմայական դիվանագիտության վարչության պետ Էլչին Ալլահվերդիևը՝ Բաքվում անցկացվող «Բաքվի ջրի շաբաթ» 2-րդ միջազգային ջրային ցուցահանդեսի և համաժողովի շրջանակներում անցկացված «Ջրային դիվանագիտություն. Սահմանները հաղթահարող  համագործակցություն» պանելի ժամանակ։
 
Նրա խոսքով՝ Ադրբեջանը COP-ի պատմության մեջ առաջին անգամ պատրաստել է ջրի վերաբերյալ հռչակագիր և սահմանել է «Բաքվի ջրի երկխոսության» հարթակը:

«Շատ ցավալի է, որ չնայած նրան, որ ջուրը կլիմայի փոփոխությունից տուժած հիմնական ոլորտներից մեկն է, այն չի ներառվել COP-ի որևէ օրակարգում։ Մենք ակնկալում ենք, որ COP29-ից հետո ջրային հարցերը կներառվեն բոլոր հաջորդ COP-ների օրակարգում»։