Ադրբեջանը կրկնապատկել է ԱՄՆ տնտեսությունում ուղղակի ներդրումները

2025 թվականի առաջին եռամսյակում Ադրբեջանը 14.7 միլիոն դոլարի ուղղակի ներդրումներ է կատարել ԱՄՆ տնտեսությունում, ինչը 2 անգամ ավելի է նախորդ տարվա նույն ժամանակահատվածի համեմատ։
 
Ինչպես հաղորդում է Report-ը, այդ մասին վկայում են Ադրբեջանի Կենտրոնական բանկի տվյալները։
 
Ընդ որում, ԱՄՆ տնտեսությունում կատարված ներդրումների բաժինը՝ Ադրբեջանի արտասահմանյան ուղղակի ներդրումների ընդհանուր ծավալում 2.2%-ից ավելացել է մինչև 4.7%։
 
Միևնույն ժամանակ, ԱՄՆ-ն հաշվետու ժամանակահատվածում Ադրբեջանի տնտեսությունում ներդրել է 42.3 միլիոն դոլար, ինչը 31.1%-ով ավելի է  նախորդ տարվա համեմատ։ Այս ներդրումների բաժինը՝ Ադրբեջանում կատարված ուղղակի օտարերկրյա ներդրումների ընդհանուր ծավալում 2.1%-ից աճել է մինչև 2.8%։