AZAL-ը դադարեցնում է թռիչքները դեպի Ռուսաստանի մի շարք քաղաքներ ՑԱՆԿ

Հաշվի առնելով Embraer 190 ինքնաթիռի կործանման նախնական հետաքննության արդյունքները և թռիչքների անվտանգության հնարավոր ռիսկերը՝ «Ադրբեջանական ավիաուղիներ»-ը (AZAL) 2024 թվականի դեկտեմբերի 28-ից մինչև՝ Ադրբեջանի քաղաքացիական ավիացիայի պետական ​​գործակալության որոշմամբ վերջնական հետաքննության ավարտը՝  դադարեցնում է թռիչքները Բաքվից դեպի Ռուսաստանի հետևյալ օդանավակայաններ.
 
Միներալնիյե Վոդի,
 
Սոչի,
 
Վոլգոգրադ,
 
Ուֆա,
 
Սամարա,
 
Գրոզնի,
 
Մախաչկալա.
 
Նշենք, որ դեկտեմբերի 25-ին AZAL-ը որոշել է դադարեցնել Բաքվից Գրոզնի և Մախաչկալա թռիչքները, հայտնում է Caliber.Az-ը։
 
Որոշում է կայացվել անվտանգության նկատառումներից ելնելով դադարեցնել՝  մյուս ավիաընկերությունների թռիչքներն այս երթուղիներով։ Ելնելով ստեղծված իրավիճակից՝ նշված ուղղությունների տոմսեր ունեցող ուղևորներին իրավունք է տրվում՝ ամբողջությամբ վերադարձնել կամ անվճար փոխարինել տոմսերը: Միաժամանակ ավիաընկերությունը կշարունակի թռիչքները՝ դեպի Մոսկվա, Սանկտ Պետերբուրգ, Եկատերինբուրգ, Աստրախան, Կազան և Նովոսիբիրսկ՝ առաջնորդվելով թռիչքների անվտանգության բոլոր պահանջներով և կանոններով։