Բաքուն և Տաշքենդը կհամագործակցեն զբոսաշրջության ոլորտում
Ադրբեջանն ու Ուզբեկստանը պլանավորում են ընդլայնել համագործակցությունը զբոսաշրջության ոլորտում։
Ինչպես տեղեկացնում է Caliber.Az-ը, այս մասին հայտնում են ուզբեկական ԶԼՄ-ները։
Նրանց տեղեկությունների համաձայն, ապրիլի 4-ին Սամարղանդում կայացել է՝ Ուզբեկստանի զբոսաշրջության կոմիտեի նախագահ Ումիդ Շադիևի և Ադրբեջանի Զբոսաշրջության պետական գործակալության փոխնախագահ Ազադա Հուսեյնովայի հանդիպումը։
Հանդիպման արդյունքներով փոխըմբռնման հուշագիր է ստորագրվել՝ «Հասարակական կապերի ազգային կենտրոն» պետական միացյալ ձեռնարկության և Ադրբեջանի զբոսաշրջության բյուրոյի միջև։ Փաստաթուղթն ուղղված է՝ Մեծ Մետաքսի ճանապարհի երկայնքով միասնական զբոսաշրջային երթուղու զարգացմանն ու խթանմանը:
Համագործակցության հիմնական նպատակն է համախմբել երկու երկրների զբոսաշրջային ռեսուրսները՝ Joint Silk Road Highlights Tour նախաձեռնության շրջանակներում։ Նախագիծը նախատեսում է՝ Կենտրոնական Եվրոպայի երկրներում զբոսաշրջային երթուղիների համատեղ խթանում, ինչպես նաև շեշտը դնում է՝ Մետաքսի ճանապարհի հիմնական պատմական տեսարժան վայրերի վրա, ինչպիսիք են Բաքուն, Շամախին, Շեքին, Խիվան, Բուխարան և Սամարղանդը:
Հուշագրի շրջանակներում կողմերը պայմանավորվել են նաև՝ համատեղ B2B միջոցառումների, ռոուդ-շոուների և միջազգային զբոսաշրջային ցուցահանդեսների անցկացման մասին։