Բաքվում մայրերը այցելել են կալանավորված ռուսաստանցիներին

Բաքվում Ռուսաստանի կալանավորված քաղաքացիների մայրերին թույլատրվել է տեսակցել երիտասարդ մարդկանց հետ։
 
Ինչպես հաղորդում է Caliber.Az-ը՝ հղում անելով ռուսական ԶԼՄ-ներին, այս մասին հայտնել է կալավորվածներից մեկի քույրը՝ Անաստասիա Բեզուգլայան։
 
Նրա խոսքով՝ կազմակերպվել են մի քանի հանդիպումներ՝ բոլոր անհրաժեշտ իրերի փոխանցմամբ։ Կալանավորվածի քույրը հայտնել է, որ իր եղբայրը՝ Իլյան պահպանում է դրական տրամադրվածություն։ Նա ասել է, որ կալանավորվածները որևէ բողոք չունեն պահման պայմանների վերաբերյալ։ Նրանք ունեն անհրաժեշտ ամեն ինչ։
 
«Հյուպատոսը մի քանի անգամ հանդիպել է տղաների հետ և ասել, որ կալանքի պայմանները լավ են», - ընդգծել է նա։
 
Հրատարակության տվյալներով՝ այս հանդիպումները կազմակերպվել են Ադրբեջանի օմբուդսմեն Սաբինա Ալիևայի օգնությամբ։