BP-ն՝ «Ղարաբաղ» հանքավայրի մշակման նախագծում ներգրավվելու ծրագրերի մասին

BP-ն հուսով է այս տարի ներգրավվել Կասպից ծովի ադրբեջանական հատվածում գտնվող «Ղարաբաղ» հանքավայրի մշակման նախագծում:

Ինչպես հաղորդում է Report-ը, այս մասին լրագրողներին ասել է BP-ի Կասպից տարածաշրջանի գծով փոխնախագահ Բախտիյար Ասլանբեյլին։

«2024 թվականի սեպտեմբերին մենք SOCAR-ի հետ փոխըմբռնման հուշագիր ստորագրեցինք «Ղարաբաղ» հանքավայրի շուրջ։ Ներկայումս հուշագրի շրջանակներում բանակցություններ և քննարկումներ են ընթանում այս հանքավայրի մշակման գործող համաձայնագրում BP-ի ներգրավման պայմանների շուրջ»,- ասել է Ասլանբեյլին։

Նա հավելել է, որ երկու կողմերն էլ ձգտում են բանակցային գործընթացը հնարավորինս արագ ավարտին հասնել։

«Անձամբ ես՝ հուսով եմ»,- ասել է Ասլանբեյլին՝ պատասխանելով Report-ի այն հարցին, թե արդյոք BP-ն հուսով է, որ ընկերության ներգրավման գործընթացը «Ղարաբաղ» հանքավայրի մշակման գործում  տեղի կունենա այս տարի։