Ֆարիզ Ռզաև. Բուլղարիան դարձել է ադրբեջանական գազի կարևոր տարանցիկ հանգույց

Ադրբեջանը շարունակում է մնալ Բուլղարիայի համար գազի հիմնական մատակարարը։
 
Ինչպես հաղորդում է Trend-ը, այս մասին Բաքվում՝ Բուլղարիայի Ազգային տոնի առթիվ կազմակերպված ընդունելության ժամանակ հայտարարել է՝ Ադրբեջանի փոխարտգործնախարար Ֆարիզ Ռզաևը։
 
Ելույթ ունենալով միջոցառմանը՝ Ֆարիզ Ռզաևն ընդգծել է երկու երկրների միջև էներգետիկ համագործակցության կարևորությունը։
 
«Ադրբեջանն ապահովում է Բուլղարիայի գազի սպառման ավելի քան 50 տոկոսը։ Մենք էներգետիկան դիտարկում ենք որպես ռազմավարական ոլորտ և ձգտում ենք էլ ավելի ամրապնդել մեր հարաբերություններն այս ոլորտում»,- նշել է նա։
 
Փոխնախարարը հավելել է նաև, որ Բուլղարիան դարձել է՝ ադրբեջանական գազի Եվրոպա փոխադրման համար կարևոր տարանցիկ հանգույց, ինչը երկկողմանի գործընկերության հաջող օրինակ է հանդիսանում։