Համաշխարհային բանկ. Ադրբեջանը մեծապես կախված է այլ երկրների ջրային ռեսուրսներից

Ադրբեջանը բախվում է ջրի լուրջ պակասի, քանի որ ջրի մոտ 70%-ը  երկիրը ստանում է անդրսահմանային աղբյուրներից, ինչը այն դարձնում է հատկապես խոցելի կլիմայի փոփոխության նկատմամբ և կախված հարևան երկրների հետ համագործակցությունից։
 
Ինչպես հաղորդում է Report-ը, այս մասին  հայտարարել է Համաշխարհային բանկի Ադրբեջանի  հարցով մենեջեր Ստեֆանի Ստալմայստերը՝ Բաքվի կլիմայական գործողությունների շաբաթվա (BCAW2025) երրորդ օրը։
 
Նա նշել է, որ գլոբալ կլիմայական մարտահրավերները պահանջում են բազմակողմանի մոտեցում, և ինչպես տարածաշրջանային համագործակցությունը, այնպես էլ ջրային ռեսուրսների կառավարման ներքին բարեփոխումները կենսական նշանակություն ունեն Ադրբեջանի համար։
 
«Հաշվի առնելով, որ իր ջրի 70%-ը գալիս է անդրսահմանային աղբյուրներից, երկիրը մեծապես կախված է այլ պետությունների ջրային ռեսուրսներից, ինչը ընդգծում է տարածաշրջանային համագործակցության անհրաժեշտությունը», - նշել է նա։
 
Ս. Ստալմայստերը ընդգծել է, որ Ադրբեջանն արդեն քայլեր է ձեռնարկում ջրի արդյունավետությունը բարելավելու համար, ներառյալ ոռոգման համակարգերի արդիականացումը և կլիմայի նկատմամբ դիմացկուն գյուղատնտեսության զարգացումը։ Սակայն, նրա խոսքով, ավելին պետք է արվի, ներառյալ երաշտի և աղի նկատմամբ դիմացկուն մշակաբույսերի տեսակների ներդրումը, նոր տեխնոլոգիաների ավելի ակտիվ օգտագործումը և միջազգային համագործակցության ընդլայնումը։